THE CONJURING (2013)

මේ සලරුවේ IMDB අගය කිව්වම ඔයාල මම කිව්ව දේවල් පිළිගනියි. 

යාළුවනේ මේ සිනමා පටයට IMDB අගය 7.7 ක් තියෙනවා. ඉතින් මේ සුපිරි වැඩේ කරල තියෙන්නෙ හොරර් සිනමා ලෝකය හොල්ලපු james Wan කියන අධ්‍යක්ෂකවරයා. 

මතකද ඔයාල බලපු Saw (2004), Insidious (2010), Dead Silence (2007) කියන සිනමා පට. 

අන්න ඒවා අධ්‍යක්ෂණය කලෙත් මේ අධ්‍යෂකවරයාම තමයි. ඉතින් මේක ගැන මට තවත් ඔයාලට වර්ණනා කරන්න උවමන නැහැ. මං දැන් පොඩ්ඩක් කථාවේ වටපිටාව කියන්නම්. තව දෙයක් කියන්න ඕන මේ සලරුවට පාදක වෙල තියෙන්නෙ 1971 වකවානුවේ වුණ සත්‍ය සිදුවීමක්. ඒක නිසා හැමෝටම මේක නරඹන්න කියල මම ආරාධනා කරනවා. 

 රොජර් සහ කැරොලියන් කියන තරමක් මැදි වයසේ පසුවන යුවලක්. ඔවුන් තමන්ගේ දරුමල්ලන් සමග පිටිසර බද නිවෙසක් මිලදී ගෙන එහි පදින්චි වීමට යනවා. ඔවුන්ට ඉන්නෙ සුළුපටු පවුලක් නෙමෙයි. ළමයින් 5 දෙනක්ම ඉන්නව. ඔවුනගේ නම් තමයි සින්ඩි, නැන්සි, ඒප්‍රිල්, ක්‍රිස්ටියන්, සහ ඇන්ඩ්‍රියා. නිවෙසට ඇතුල් වෙන පළමුවෙන දවසේ පටන් මේ පවුලට මුහුණ පාන්න වෙන්නේ හිතගන්නවත් බැරි ජීවිතේ එපා කරවන සිදුවීම් මාලවකටයි. මුලින්ම මේ ගෙදර වෙනස දැනෙන්නේ මේ පවුලේ සුරතලා වන සෙයිඩ් කියන බල්ලට. 

සෙයිඩ් දිගින් දිගටම බුරන්න ගන්නව අසාමාන්‍ය විදියට. නමුත් ඒට පහුවෙනිදාම අවාසනාවන්ත ලෙස ගෙදර වත්තේ ගසක් යටින් සෙයිඩ්ගේ මිනිය හම්බවෙනවා මොවුන්ට. ඒ වගේම රෑට මේ ගෙදර අයට කවදාවත් නිදගන්න නම් හම්බවෙන්නෙ නැහැ. සින්ඩි හැමදාම ඇවිදින්න ගන්නව. ක්‍රිස්ටියන් නිදාගෙන ඉන්නකොට කවුරුහරි කකුලෙන් ඇදලා දාන්න හදනවා.

එතකොට ඒප්‍රිල්, රෝරි කියල කෙනෙක් එක්ක තනියම කතකරනවා. ඒ වගේම තමයි මේ ගෙදර ඔරලෝසුවල කොච්චර වෙලාව හැදුවත් 3.07 ට වෙලාව නවතිනව. ඉතින් මේ පවුලේ අයට මේ ගෙදර ඉන්න එකත් එපාවෙලා. ඒක නිසා ගුප්ත විද්‍යාව ගැන පර්යේෂණ කරන දෙන්නෙක් වන එඩ් වෝරන් සහ ලොරේන් කියන දෙදෙනාගේ උදව් ලබා ගන්න මොවුන් තීරණය කරනවා. මෙතන ලෝරේන් කියන කාන්තවට තියෙනව අමුතු විශේෂ හැකියාවකුත්. ඉතින් මොවුන් අනාවරණය කරගන්නවා මීට අවුර්දු 100 කට එහ වැළලී ගිය මේ නිවසේ සිදුවුණු අදුරු සිදුවීම් පෙළක්. ඇත්තටම මොවුන් පසුපස හභා එන මේ ශාපය මොකක්ද?

 මේ පවුලට මෙයින් ගැලවීමට හැකිවේද? ඒ ගැන හොයන්න ආපු වොරන් හා ලෝරේන් යුවලට කුමක් වෙයිද? ඒක දැන ගන්න එක ඔබට බාරයි.